قصة سيدنا لــوط

النبي بيبقى بالنسبة ل قومه في مقام الوالد ف هو حب يبعدهم عن الفاحشة ب توجيههم للإناث الي مخلوقين ومهيئين ليهم في الحلال .. حب يقنعهم بالفطرة
وبعدها حاول يفكرهم بربنا و يصحي فيهم التقوى فاتقوا الله
وفي محاولة يائسة منه للمس النخوة جواهم قالهم ولا تخزون في ضيفي .. آية 78 سورة هود 
يعني لا تلحقوا بي العاړ والذل بإنكم تئذوا ضيوفي وتجبروهم على عمل الفاحشة

لكن لا حياة لمن تنادي .. فأصروا على طلبهم قالوا لقد علمت ما لنا في بناتك من حق وإنك لتعلم ما نريد .. آية 79 سورة هود 
إزداد حزن سيدنا لوط حس إنه لوحده راجل غريب جاي من بعيد من غير عشيرة تحميه ولا أولاد ذكور يتسند عليهم وينصروه
قفل الباب ورجع لضيوفه .. كان الضيوف هادئين جدا مش باين عليهم أي خوف أو اضطراب
فإندهش سيدنا لوط من رد فعلهم رغم كل الي سمعوه!
إبتدا القوم يخبطوا جامد على الباب
سيدنا لوط في عز الضيق قال ياريت كان عندي عشيرة وقوة تخليني أحمي ضيوفي منهم أو مكان ينفع أحتمي بيه منهم انا وضيوفي قال لو أن لي بكم قوة أو آوي إلى ركن شديد .. آية 80 سورة هود
سيدنا لوط كان عارف إنه تحت حماية الله الي أشد من أي ركن وأقوى من أي قوة .. لكن المقصود كان رغبته في أي حاجة فورية تمنع الناس دي من إيذاء الضيوف
ومن رحمة ربنا ومن صدق نية سيدنا لوط ربنا إستجاب فعلا لطلبه قبل حتى مايطلبه .. ف بعتله الحماية الفورية والقوة الجبارة قبل ما يتمناها ..
حبيبنا النبي لما كان بيقرأ الآية دي كان بيقول رحمة الله على لوط لقد كان يأوي إلى ركن شديد ..
لما الضيق بلغ ذروته واشتد ب لوط كربه وقال كلمته
إتحركت الملايكة وقامت قالوله ماتخافش يا لوط إنت فعلا تحت حماية ركن ربك الشديد .. إحنا ملائكة وربنا بعتنا هنا عشان ننجيك .. وقالوا لا تخف ولا تحزن إنا منجوك وأهلك إلا امرأتك كانت من الغابرين آية 33 سورة العنكبوت ..
وننفذ العڈاب على قومك ..قالوا إنا مهلكو أهل هذه القرية إن أهلها كانوا ظالمين .. آية 31 سورة العنكبوت 
أشار جبريل ب إصبعه أو يقال ب جناحه .. فإتعمى الناس من
ورا الباب .. ولقد راودوه عن ضيفه فطمسنا أعينهم فذوقوا عذابي ونذر .. آية 37 سورة القمر
إلتفتت باقي الملايكة لسيدنا
لوط وقالوله خد أهلك وأخرج من البلد فورا
ومحدش فيكم يلتفت ولا يبص ورا أبدا
هتسمعوا أصوات تهتز من فظاعتها الجبال لكن إوعوا تلتفتوا والي هيلف وشه ناحية القرية بعد ماتطلعوا منها هيصيبه من العڈاب زي الي هيصيبهم
تخيل مدى العڈاب! .. عڈاب بيصيب الشخص بمجرد النظر إليه!
ساعتها الملايكة بلغت سيدنا لوط إن زوجته